صدى الجنوب برس
مقالات مشابهة
تحت عنوان “التيرمينال مجرد ticket”
بقلمي ✒
شو هو التيرمينال؟
سؤال بهمنا كلنا ونحن يلي عم نعيشو بقلق غير مبرر..
راح خبركم شو هوي التيرمينال:
هو مجرد ticket سفر و عبور ، بتخولك تنتقل من منطقة لمنطقة _هون من مرحلة لمرحلة_
و هو ورقة بس تحصل عليها بإفادة “ناجح” ، بصير فيك تفوت على الجامعة. وتصنع مستقبلك ..
يعني ، يلي آخذ 10 , 15 او 18 ، ماشيين على نفس الطريق و رايحين لنفس الوجهة. وهيك لازم نفهمو مش نعيش القلق ونخسر مستقبلنا بسبب هالقلق..
هو ticket , اي هو مجرد Ticket بس الفرق الوحيد انه في ناس دفعوا حقه اكثر من غيرهم، و قعدوا بالمقاعد الامامية و بيَّنوا للناس اكثر ،
والباقيين كل واحد دفع ع قد قدراته، بس بالحقيقة كلهم طالعين بنفس الطيارة و وجهتهم وحدة هي نفسها _الجامعة_ و كلهم مش عارفين شو ناطرهم بس يوصلوا … الا ثقتهم بانفسهم انهم يصنعوا مستقبلهم بايديهم.
الخلاصة من كل هالشي ؛ كل واحد فينا عنده قدرات عقلية معينة ، و كل واحد عنده إمكانيات، و عنده شي بيميزو عن غيروا، و ما حدا بيعرف ظروف حدا بهيدي الحياة.
و مش بالضرورة اذا ما بيّن بمطرح معيّن، يعني هو فشل!
لا اكيد لا ،
ما حدا بيعرف الحياة شو مخبية لكل واحد فينا، و هي بعمرا ما وقفت على ورقة _علامة_ لأن يمكن هيدي الورقة و هيدا الموقف، تكون السبب الاساسي للتغيير الجذري عند الشخص.
لا تخلي حياتك توقف …عند ورقة ورقم.. اصنع نفسك بنفسك فالحياة صراع وعمل.
في كتير ناس بمراحلهم الاولى ما بينوا _بالمدرسة_ بس لما وصلوا على الجامعات ،ابدعوا و بينوا اكثر من غيروا. وكتبوا التاريخ بايديهم وسجلوا اسمائهم على صفحات عز بيضاء
عشان هيك ، التيرمينال هو مجرد ticket , ما تخلوها عقدة لحياتكم
اهالينا كمان انتو كون مساعد ولا تخلوها تصير عقدة لولادكم، وما تخلوها سبب احباط!
خليها تكون سبب الاندفاع بقوة، خليها تكون التغير، و سبب نجاحهم يلي هو نجاحكم انتو كأهل ضحوا وتعبو .. يعني نجاحكم بالمستقل.
ربنا خلق كل واحد فينا بميزة معينة ،دوّر عليها و استغلها لصالحك.
وبقول للكل … لا تخافوا … طريق النجاح لكل واحد بيشتغل مضمونة
وإن شاء الله ربنا يوفق كل الطلاب و بالنجاح انشالله للكل.
حبيت اكتب رسالتي بالعامية تتوصل بدون حواجز 🙂
🙂 وشكرا الكم 🙂
_malak.zh_
